យើងជឿថា មានឪពុកម្តាយខ្លះ ឬក្រុមមនុស្សជាច្រើនទៀត ដែលបានកំណត់និយមន័យចំពោះមនុស្សដែលមានរោគសញ្ញាផ្លូវភេទខុសប្លែកថា… នេះគឺជាការប្រកួតប្រជែងផ្លូវចិត្ត! ខណៈពេលដែលការស្រាវជ្រាវជាច្រើនបានបញ្ជាក់ថា រោគសញ្ញាទាំងនេះកើតឡើងពីហូមូន និងសារធាតុគីមីក្នុងរាងកាយ ហើយរួមបញ្ចូលទាំងបទពិសោធន៍ដែលកុមារទទួលបានពីមនុស្សជុំវិញ ដែលទាំងអស់នេះបណ្តាលឲ្យមានចំណង់ចំណូលចិត្តខុសគ្នា។
តើត្រូវដោះស្រាយយ៉ាងដូចម្តេច?… នៅពេលកូនមានរោគសញ្ញាផ្លូវភេទខុសប្លែក
យល់ដឹង
ត្រូវប្រាប់ថា… រោគសញ្ញាផ្លូវភេទខុសប្លែកមិនមែនជាជំងឺ ឬរឿងខុសប្លែកពីធម្មជាតិទេ ឪពុកម្តាយ ឬមនុស្សក្នុងគ្រួសារគួរតែផ្តល់សេចក្តីស្រឡាញ់ និងការយល់ដឹងដូចជាថា… គាត់ជាបុរសពិត ឬស្ត្រីពិត មិនបង្ហាញអាការៈមិនស្រឡាញ់ និងមិនបញ្ចេញមតិយោបល់ដែលបង្ហាញថាអ្នកចង់ឲ្យគាត់ផ្លាស់ប្តូរភេទរបស់ខ្លួន។
ផ្តល់កម្លាំងចិត្ត… មិនថាកូនមានលក្ខណៈផ្លូវភេទយ៉ាងណា
ទោះបីជាសង្គមបច្ចុប្បន្នមានការបើកចិត្តទទួលយកភេទទីបី ក៏ប៉ុន្តែមានមនុស្សខ្លះនៅតែបង្ហាញអាកប្បកិរិយាមិនស្រឡាញ់ អារម្មណ៍មិនស្រួលនេះអាចបណ្តាលឲ្យពួកគេក្លាយជាកុមារដែលចៀសវាងសង្គម ឪពុកម្តាយ និងមនុស្សក្នុងគ្រួសារ… អាចជាកម្លាំងចិត្តដ៏ល្អដែលធ្វើឲ្យពួកគេយល់ដឹង និងរស់នៅបានយ៉ាងសុខសាន្ត។
កូនចូលចិត្តភេទដូចគ្នា… តើចាំបាច់ទេ? ត្រូវនាំទៅពេទ្យផ្លូវចិត្ត
ដោយសារតែគំនិតនិងជំនឿដែលបានបញ្ចូលចិត្តថា ការមានចំណង់ចំណូលចិត្តចូលចិត្តភេទដូចគ្នា… គឺជារឿងខុសប្លែកផ្លូវចិត្ត! ធ្វើឲ្យឪពុកម្តាយខ្លះបានពឹងផ្អែកលើពេទ្យផ្លូវចិត្ត ដែលត្រូវបានគេចាត់ទុកថាជាវិធីដោះស្រាយបញ្ហាដ៏ល្អ ប្រសិនបើការជួបពេទ្យផ្លូវចិត្តមិនមែនសម្រាប់ការផ្លាស់ប្តូរអាកប្បកិរិយារបស់កូនទេ ប៉ុន្តែជាការយល់ដឹង និងទទួលយករួមគ្នាច្រើនជាង ដើម្បីឲ្យទំនាក់ទំនងរវាងគ្រួសារទាំងមូលយល់គ្នាដោយពិតប្រាកដ។
ដោះស្រាយចម្ងល់! រោគសញ្ញាផ្លូវភេទខុសប្លែក… អាចជាសះស្បើយទេឬ?
អាចមើលឃើញថា កុមារមានរោគសញ្ញាផ្លូវភេទខុសប្លែកខ្លះអាចត្រឡប់មកមានចំណង់ចំណូលចិត្តតាមភេទរាងកាយវិញបានម្តងទៀត ប៉ុន្តែវាជាក្រុមតូចប៉ុណ្ណោះ ប្រសិនបើរោគសញ្ញាខុសប្លែកកើតឡើងដោយសារប៉ះពាល់ពីបរិយាកាស ការភាន់ច្រឡំ ឬការបញ្ចេញតាមគំរូ ខណៈពេលកុមារច្រើននៅតែមានចំណង់ចំណូលចិត្តចូលចិត្តភេទដូចគ្នារហូតដល់ក្លាយជាបុរសស្រីពេញវ័យ ហើយនេះគឺជារឿងដែលឪពុកម្តាយគួរយល់ដឹងពីចិត្តពិតថា វាមិនមែនជារឿងខុសប្លែក និងមិនចាំបាច់ត្រូវកែប្រែ។