កុមារអាយុ ៣-៤ ឆ្នាំ ចាប់អារម្មណ៍លើរឿងថ្មីៗ ...សមស្របសម្រាប់បណ្តុះបណ្តាលជំនាញនៅវិស័យផ្សេងៗ

ការអភិវឌ្ឍន៍នៅកុមារជារឿងដែលឪពុកម្តាយគ្រប់រូបគួរតែយកចិត្តទុកដាក់ និងតែងតែត្រួតពិនិត្យការអភិវឌ្ឍន៍របស់កូនជានិច្ច។ លើសពីនេះ គួរតែស្វែងរកអ្វីដែលជាការជំរុញការអភិវឌ្ឍន៍សមរម្យសម្រាប់កុមារនៅអាយុដូចនោះ ដើម្បីជួយលើកស្ទួយឲ្យកុមារអាចរៀនបានល្អប្រសើរឡើង។

ការអភិវឌ្ឍន៍របស់កុមារអាយុ 3-4 ឆ្នាំ

កុមារអាយុ 3-4 ឆ្នាំ ចូលចិត្តសាកល្បងអ្វីថ្មីៗ និងអ្វីដែលចម្លែកៗ។ កុមារអាចដើរឡើងចុះជំហានជំនួសជើង បោះនិងទទួលបាល់តូចៗ បានជិះកង់ 3 កង់ គូររូបមនុស្សដែលមានផ្នែករាងកាយយ៉ាងហោចណាស់ 3 ផ្នែក ស្គាល់ទំហំធំ និងតូច ឆ្លើយសំណួរងាយៗបានដោយនិយាយឬបង្ហាញពេលស្តាប់រឿងរ៉ាវ ច្រៀងបទចម្រៀងងាយៗបាន ប្រាប់ឈ្មោះពិត និងនាមត្រកូលពេញរបស់ខ្លួនបាន និយាយពាក្យដែលមានអត្ថន័យផ្ទុយគ្នាបាន ប្រាប់ភេទរបស់ខ្លួនបាន ជួយធ្វើការងារងាយៗបាន ដោះប៊ូតុងធំៗបាន

វិធីសាស្រ្តលើកស្ទួយឲ្យកូនមានការអភិវឌ្ឍន៍ល្អ

អាចធ្វើបានដោយ…ឪពុកម្តាយតែងតែលេងហ្គេម “អ្វីទៅ?” ជាមួយកូនជាញឹកញាប់ ហាត់រាប់វត្ថុ និងយកវត្ថុតាមចំនួន 1-5 ធ្វើការបង្រៀនឲ្យកូនសង្កេត ប្រៀបធៀបអ្វីដែលខុសគ្នា និងចាត់ថ្នាក់អ្វីដែលដូចគ្នា ហាត់ប្រាប់រឿងពីរូបភាព និយាយ សួរពីរឿងដែលបានប្រាប់ ហាត់ឲ្យកូនពាក់សម្លៀកបំពាក់ ដោះ និងចាក់ប៊ូតុង រអិលស៊ីប ស្លៀកស្បែកជើង ឪពុកម្តាយ និងសមាជិកគ្រួសារគួរធ្វើសកម្មភាពជាច្រើនជាមួយកុមារ ដើម្បីជំរុញការអភិវឌ្ឍន៍នៅកុមារ និងហាត់ជំនាញក្នុងវិស័យផ្សេងៗឲ្យកុមារ។