ការវះកាត់តម្រង់ទំហំរបស់កាំមិនត្រឹមតែទទួលបានទំហំ និងរាងកាយដែលចង់បានទេ ប៉ុន្តែមានផលប៉ះពាល់ផ្សេងទៀតដូចខាងក្រោម
- កាត់បន្ថយការរលាករបស់កាំពេលមានរង្វង់ខែ ពេលពាក់សម្លៀកបំពាក់រឹងមាំ សម្លៀកបំពាក់ហែលទឹក សម្លៀកបំពាក់ហាត់ប្រាណ សម្លៀកបំពាក់ខាងក្នុង និងផ្សេងៗ
- កាត់បន្ថយការឈឺចាប់ពេលមានសកម្មភាពផ្លូវភេទ
- ជួយឲ្យមានសោភ័ណភាពកាន់តែស្អាត និងបង្កើនការជឿជាក់ខ្លួន
ការវះកាត់តម្រង់កាំឬការវះកាត់កាត់បន្ថយទំហំកាំតូចគឺជាអ្វី?
ការវះកាត់តម្រង់កាំឬការវះកាត់កាត់បន្ថយទំហំកាំតូចគឺជាការវះកាត់កាត់បន្ថយទំហំឬតម្រង់បម្លែងរាងកាយរបស់កាំ ដែលស្ថិតនៅផ្នែកខាងក្រៅនៃរន្ធផ្លូវភេទ។ ការវះកាត់តម្រង់កាំឬការវះកាត់កាត់បន្ថយទំហំកាំតូចអាចជួសជុលរូបរាងនៅជុំវិញមាត់រន្ធផ្លូវភេទឲ្យស្អាតជាងមុន ជួយឲ្យស្ត្រីមានការជឿជាក់ខ្លួនកាន់តែច្រើន ហើយបានរកឃើញថាបន្ទាប់ពីការវះកាត់ អាការៈឈឺឬរំខាននៅតំបន់នោះកាត់បន្ថយ។ ការវះកាត់ដោយឡាស៊ែរ មានប្រសិទ្ធភាពក្នុងការវះកាត់ដោយមានភាពត្រឹមត្រូវ និងច្បាស់លាស់កាន់តែច្រើន អាចគ្រប់គ្រងជម្រៅនៃរបួសវះកាត់បាន របួសស្ដារឡើងវិញបានលឿន ជួយកាត់បន្ថយការបាត់ឈាម និងអាចត្រឡប់ទៅរស់នៅប្រចាំថ្ងៃបានឆាប់រហ័ស។
ហេតុអ្វីបានជាស្ត្រីចង់វះកាត់កាំ ឬការវះកាត់កាត់បន្ថយទំហំកាំតូច
- បញ្ហាកាំតូចមានទំហំធំ ឬមានរាងខុសប្លែក និងមិនស្មើគ្នា
- នៅក្នុងករណីខ្លះ ស្ត្រីមានកាំតូចធំឡើង បន្ទាប់ពីការបង្កើតកូន ឬកើតឡើងពេលអាយុធំឡើង
- អាការៈរំខានរំលងនៅតំបន់កាំតូច អាចកើតឡើងនៅស្ត្រីដែលពាក់សម្លៀកបំពាក់រឹងមាំ ដែលអាចប៉ះពាល់ដល់ពេលមានសកម្មភាពផ្លូវភេទ ឬពេលលេងកីឡា
បន្ទាប់ពីវះកាត់តម្រង់កាំតូច ឬការវះកាត់កាត់បន្ថយទំហំកាំតូច នឹងមានអ្វីកើតឡើង និងត្រូវចំណាយប៉ុន្មានថ្ងៃដើម្បីត្រឡប់ទៅធ្វើការបាន?
- 2-3 ថ្ងៃដំបូងបន្ទាប់ពីវះកាត់ អ្នកនឹងមានអារម្មណ៍ឈឺតិចតួចនៅកន្លែងវះកាត់ បន្ទាប់មកអាការៈនឹងកាន់តែស្រាល។ អ្នកដែលបានវះកាត់នឹងទទួលបានថ្នាំបំបាត់ឈឺ និងថ្នាំប្រឆាំងឆ្លងមកផ្ទះ។ របួសនឹងស្រាលស្រួលបន្ទាប់ពីវះកាត់ 4-6 សប្តាហ៍ ខ្សែដេររបួសនឹងរលាយដោយខ្លួនឯងដោយមិនចាំបាច់ដកខ្សែដេរ។
- ភាគច្រើននៃអ្នកដែលបានវះកាត់អាចត្រឡប់ទៅធ្វើការបានក្នុងរយៈពេល 2-3 ថ្ងៃបន្ទាប់ពីវះកាត់
- ផ្តល់អនុសាសន៍ឲ្យបញ្ឈប់ហាត់ប្រាណធ្ងន់យ៉ាងហោចណាស់ 1 ខែបន្ទាប់ពីវះកាត់
- បញ្ឈប់សកម្មភាពផ្លូវភេទប្រហែល 3 ខែបន្ទាប់ពីវះកាត់
ការរៀបចំខ្លួនមុនការវះកាត់
- បញ្ឈប់ការប្រើថ្នាំ និងអាហារដែលមានផលប៉ះពាល់ដល់ការជាប់រឹងរបស់ឈាម ដូចជា Aspirin, ប្រេងត្រី យ៉ាងហោចណាស់ 1 សប្តាហ៍មុនការវះកាត់
- បើមានជំងឺប្រចាំកាយ និងអាលើសថ្នាំ ត្រូវជូនដំណឹងឲ្យវេជ្ជបណ្ឌិតដឹងជាមុន
- ងូតទឹកសម្អាតរាងកាយឲ្យស្អាតមុនមកវះកាត់
- រៀបចំខោខូវប៊យទន់សម្រាប់ពាក់បន្ទាប់ពីវះកាត់
- ដោយសារតែការវះកាត់នឹងបណ្តាលឲ្យបាត់ឈាមខ្លះ ដូច្នេះអ្នកដែលមានជំងឺបេះដូងគួរពិគ្រោះជាមួយវេជ្ជបណ្ឌិតមុនវះកាត់
- គួរមកវះកាត់មុនឬបន្ទាប់ពីមានរង្វង់ខែ 1 សប្តាហ៍
ដំណាក់កាលនៃការវះកាត់
- លាបាប្រភេទថ្នាំបំបាត់ឈឺនៅតំបន់ដែលត្រូវវះកាត់ ហើយទុកឲ្យសម្រាក 1 ម៉ោង មុនការវះកាត់
- វះកាត់តែផ្នែកកាំតូចដែលបង្ហាញខុសប្រក្រតី ហើយតម្រង់ឲ្យមានរាងកាយស្រដៀងនឹងទំហំធម្មតាច្រើនបំផុត
- ការវះកាត់ប្រហែល 1 ម៉ោង ខ្សែដេរដែលប្រើជាខ្សែរលាយ មិនចាំបាច់ត្រឡប់មាដកខ្សែដេរនៅពេលក្រោយ
- បន្ទាប់ពីវះកាត់រួច វេជ្ជបណ្ឌិតនឹងអោយអ្នកជំងឺសម្រាកដើម្បីត្រួតពិនិត្យសញ្ញា ប្រហែល 1 ម៉ោង ប្រសិនបើគ្មានសញ្ញាអ្វីខុសប្រក្រតី អ្នកអាចត្រឡប់ទៅផ្ទះបាន
- ក្នុងរយៈពេល 1-2 សប្តាហ៍ដំបូង របួសនឹងមានការកើនឡើងតិចតួច បន្ទាប់មកនឹងធ្លាក់ចុះជាបន្តបន្ទាប់
ការថែទាំបន្ទាប់ពីវះកាត់
- អាចងូតទឹកបានដូចធម្មតា ប៉ុន្តាមិនត្រូវប្រើផលិតផលសំអាតខាងក្នុង ត្រូវលាងដោយទឹកស្អាតរយៈពេល 1 ខែ
- បញ្ឈប់សកម្មភាពផ្លូវភេទប្រហែល 3 ខែបន្ទាប់ពីវះកាត់
- ទទួលថ្នាំ និងអនុវត្តតាមការណែនាំរបស់វេជ្ជបណ្ឌិតយ៉ាងតឹងរឹង
