ក្នុងការប្រកួតកីឡា អាចមានគ្រោះថ្នាក់កើតឡើងបានជានិច្ច នៅពេលមានការរបួសនៅតំបន់ជើងឬសន្លាក់ជើង… ការព្យាបាលការរបួសដោយការប្រើកាមេរ៉ាសំរាប់ជើងនិងសន្លាក់ជើង គឺជាបច្ចេកវិទ្យាថ្មីដែលជួយឲ្យអ្នករងរបួសអាចប្រើប្រាស់ជើងនិងសន្លាក់ជើងវិញបានដោយសប្បាយរីករាយម្តងទៀត
ការព្យាបាលការរបួសដោយការប្រើកាមេរ៉ាសំរាប់ជើងនិងសន្លាក់ជើង សមស្របសម្រាប់ករណីណាខ្លះ
- ករណីដែលចង់ជួសជុលសាច់ឆ្អឹងទន់
- ករណីដែលចង់ជួសជុលសាច់ឆ្អឹងដែលកើតឡើងថ្មី ក្នុងករណីដែលសាច់ឆ្អឹងចាប់ផ្តើមខូចខាតដែលមិនមែនខូចខាតឬបាក់បែកទេ តែសាច់ឆ្អឹងកើតឡើងថ្មីធ្វើឲ្យសន្លាក់ជើងមិនអាចបត់បានពេញលេញ ដែលមុននេះត្រូវបើកកាត់បន្ដិចធំដល់សន្លាក់ ជម្រះសរសៃឆ្អឹងនិងសរសៃប្រសាទដើម្បីកាត់ផ្នែកដែលកើតឡើងថ្មី។ ការបើកកាត់ធំដូច្នេះគឺដើម្បីអាចយកសាច់ឆ្អឹងទាំងនេះចេញបាន ប៉ុន្តែបច្ចុប្បន្នយើងអាចប្រើកាមេរ៉ាសំរាប់បញ្ចូលទៅកាន់សាច់ឆ្អឹងទាំងនេះ ដើម្បីឲ្យអ្នកជំងឺអាចបត់ជើងទាំងមុខនិងខាងក្រោយដោយមិនចាំបាច់បើកកាត់ធំ… គ្រាន់តែបើករន្ធពីរជាទំហំប្រហែល 7 មីល្លីម៉ែត្រ ទាំងពីរជ្រុង ហើយប្រើពេលសម្រាកសុខភាពត្រឹមតែ 2 សប្តាហ៍ អ្នកជំងឺអាចដើរឡើងវិញបាន
- ករណីដែលចង់ជួសជុលសរសៃឆ្អឹង ដោយដេរសរសៃឆ្អឹងតាមរយៈកាមេរ៉ា ការប្រតិបត្តិការបន្ទាប់ពីព្យាបាលនឹងមានរន្ធប្រហែល 6 ទៅ 7 រន្ធ ដែលទំហំរន្ធមិនធំ និងរន្ធស្អាតជាង
- ករណីដែលចង់ព្យាបាលសាច់ឆ្អឹងបាក់ ដែលជាករណីដែលឃើញជាញឹកញាប់ វេជ្ជបណ្ឌិតប្រើកាមេរ៉ាជួយបញ្ចូលទៅមើលថាសាច់ឆ្អឹងសន្លាក់ស្អាតឬអត់ ដើម្បីពិនិត្យឲ្យប្រាកដថាសាច់ឆ្អឹងបានត្រឹមត្រូវ ព្រោះវេជ្ជបណ្ឌិតមិនអាចមើលឃើញបានច្បាស់ពីការថតរូបកាំរស្មី ដោយសារតែមានតំបន់ឬទីតាំងខ្លះត្រូវបានលាក់បាំង ហើយមើលឃើញតែស្រមោលប៉ុណ្ណោះ
សម្រាប់បច្ចេកទេសសាច់ឆ្អឹងបាក់ នៅអ្នកជំងឺដែលមានស្បែកជើងបាក់ វេជ្ជបណ្ឌិតនឹងប្រើវិធីសាស្រ្តបញ្ចូលកាមេរ៉ាដើម្បីបើកកាត់តូចនៅតំបន់ស្បែកជើងបាក់ បន្ទាប់មកវេជ្ជបណ្ឌិតនឹងបញ្ចូលផ្លេត (plate) ចូលទៅ។ ការវះកាត់មានពីរប្រភេទ គឺប្រើកាំរស្មីមើល… ហើយបើកពីខាងក្រៅ មិនចាំបាច់បើកកាត់ និងមួយប្រភេទទៀតគឺបើកកាត់តូច ហើយប្រើកាមេរ៉ាដើម្បីបញ្ចូលដែកចូលទៅដើម្បីបាញ់សោត
ដូច្នេះ ការវះកាត់ប្រើកាមេរ៉ាសំរាប់ជើងនិងសន្លាក់ជើង អាចធ្វើការចងសាច់ឆ្អឹងដោយការវះកាត់តូចនៅចំណុចជាច្រើននៃសាច់ឆ្អឹង មិនចាំបាច់បើកកាត់ធំ។ ការប្រើកាមេរ៉ាគឺជាវិធីព្យាបាលដែលមិនចាំបាច់បើកកាត់ធំ បន្ថយការរបួសរបស់រាងកាយនៅតំបន់ជិតខាង និងពេលវេលាសម្រាកសុខភាពក៏តិចជាងការវះកាត់បែបបុរាណ
