ស្ត្រីវ័យចំណាស់គឺជាពាក្យដែលយើងស្គាល់ល្អ ប៉ុន្តែនៅពិតប្រាកដ បុរសក៏អាចមានវ័យចំណាស់ដូចគ្នា តែយើងអាចជួបវាបានមិនញឹកញាប់ដូចជាវ័យចំណាស់នៅស្ត្រី។ វ័យចំណាស់នៅបុរសមិនខុសពីស្ត្រីច្រើនទេ។ ឯកទេសវេជ្ជបណ្ឌិត អាយុទ្ធិនី សិងហគូវិន ប្រធានមណ្ឌលជំងឺទឹកនោមផ្អែម និងប្រព័ន្ធហ័រមូន មន្ទីរពេទ្យភយ៉ាថៃ 2 នឹងមកពិភាក្សាអំពីរឿងនេះឲ្យយើងបានដឹង…
ស្គាល់ “វ័យចំណាស់” ឲ្យច្រើនជាងមុន…
វ័យចំណាស់ ឬ (Golden age) មានន័យថា វ័យនៃភាពជោគជ័យក្នុងជីវិតការងារ ប៉ុន្តែនៅវ័យនេះ សុខភាពទាំងរាងកាយ និងចិត្តវិញ្ញាណ នឹងត្រូវប៉ះពាល់ពីការធ្លាក់ចុះនៃរាងកាយតាមអាយុដែលកើនឡើង និងការខ្វះខាតនៃហ័រមូនភេទ ដែលមានឥទ្ធិពលលើតួនាទីក្នុងការបំពេញការងាររបស់អង្គភាពផ្សេងៗក្នុងរាងកាយ ធ្វើឲ្យមានអារម្មណ៍ប្រែប្រួល ក្តៅភ្លាមៗ និងរោគសញ្ញាផ្សេងៗបន្តទៀត
ព្រោះហ័រមូនជាអ្នកកំណត់ភាពជារូបស្រីរូបបុរស
ហ័រមូនជាអ្នកកំណត់ភាពជារូបស្រីរូបបុរសនៅក្នុងរាងកាយមនុស្ស។ សម្រាប់ស្ត្រី ហ័រមូនដែលមានតួនាទីសំខាន់ក្នុងជីវិតគឺហ័រមូនអេស្ត្រូហ្សែន ប៉ុន្តាសម្រាប់បុរស ហ័រមូនដែលមានឥទ្ធិពលលើសមត្ថភាព និងកម្លាំងរាងកាយគឺហ័រមូនដែលហៅថា អង់ដ្រូហ្សែន ឬ Testosterone ដែលផលិតពីហ័រមូនភេទបុរសដែលមានបរិមាណច្រើនបំផុតនៅអាយុដើមពីរដប់ឆ្នាំ ហើយនឹងធ្លាក់ចុះយ៉ាងយឺតៗនៅពេលអាយុចាប់ពី ៤០ ឆ្នាំឡើង ហើយពេលអាយុធំឡើង ហ័រមូនអង់ដ្រូហ្សែននឹងធ្លាក់ចុះបន្ត ហើយការធ្លាក់ចុះនៃហ័រមូននេះផ្ទាល់ដែលប៉ះពាល់ដល់ការផ្លាស់ប្តូរផ្សេងៗនៅក្នុង…វ័យចំណាស់
រោគសញ្ញាវ័យចំណាស់របស់បុរសអាចចែកបានជា
- រោគសញ្ញាផ្នែករាងកាយ មានរោគសញ្ញាធុញទ្រាន់ ក្តៅភ្លាមៗ ត្រជាក់ភ្លាមៗ ខ្លាញ់ច្រើន គេងមិនស្រួល កម្លាំងធ្លាក់ចុះ អត់ចំណង់អាហារ ឈឺសាច់ដុំដោយគ្មានមូលហេតុ មិនសកម្ម សាច់ដុំតូចចុះ ខ្សោយ
- រោគសញ្ញាផ្នែកចិត្តវិញ្ញាណ មានអារម្មណ៍ធុញទ្រាន់ គ្មានកម្លាំងចង់ធ្វើអ្វី គោលបំណងក្នុងជីវិតផ្លាស់ប្តូរ សោកសៅ ឯកោ សំពាធ និងងាយខឹង ងាយខឹង ធុញទ្រាន់ ច្រើនបញ្ចេញមតិ ងាយរងគ្រោះ មិនចង់ទៅណា ចង់នៅម្នាក់ឯង គេងមិនស្រួល ឬគេងមិនជ្រៅ ភ្ញាក់មកមិនស្រស់ស្រាយ ខ្វះការផ្តោតចិត្តក្នុងការងារ ការចងចាំធ្លាក់ចុះ ជាពិសេសការចងចាំរយៈពេលខ្លី
- សុខភាពផ្នែកភេទ សមត្ថភាពផ្នែកភេទ និងចំណង់ចំណូលចិត្តផ្នែកភេទធ្លាក់ចុះ ឬគ្មានអារម្មណ៍ផ្នែកភេទ មនុស្សខ្លះមានរោគសញ្ញាខ្សោយសមត្ថភាពផ្នែកភេទ ដោយសារហ័រមូនភេទបុរសជាអ្នកលើកទឹកចិត្តឲ្យមានអារម្មណ៍ផ្នែកភេទ ពេលកម្រិតហ័រមូនភេទបុរសធ្លាក់ចុះ នឹងមិនមានអារម្មណ៍ចង់មានទំនាក់ទំនងផ្នែកភេទ និងអង្គភាពមិនរឹង
- ឆ្អឹង និងសាច់ដុំ ផលប៉ះពាល់ពីការខ្វះហ័រមូនភេទបុរសធ្វើឲ្យឆ្អឹងស្តើង កើតជាជំងឺឆ្អឹងបាក់ងាយដូចស្ត្រីវ័យចំណាស់។ លើសពីនេះ សាច់ដុំនឹងតូចចុះ និងកម្លាំងសាច់ដុំធ្លាក់ចុះ
ហេតុផលដែលធ្វើឲ្យវ័យចំណាស់កើតឡើងលឿនជាងធម្មតា
ហេតុផលដែលធ្វើឲ្យរោគសញ្ញាវ័យចំណាស់កើតឡើងលឿនជាងធម្មតា គឺបញ្ហាអំពីមេរោគ ការងារតឹងតែង ការសម្រាកមិនគ្រប់គ្រាន់ សំពាធ ខ្លាញ់ ការផឹកស្រា បារី ជំងឺរ៉ាំរ៉ៃដូចជាជំងឺទឹកនោមផ្អែម សំពាធឈាមខ្ពស់ ជំងឺក្រពះ និងជំងឺបេះដូង
ការព្យាបាលរោគសញ្ញារបស់បុរសវ័យចំណាស់អាស្រ័យលើរោគសញ្ញាដែលកើតឡើងនៅមនុស្សនីមួយៗ ជាដំបូងគឺការកែប្រែអាកប្បកិរិយាដែលមិនសមរម្យ ដូចជាការផឹកស្រា បារី ជៀសវាងសំពាធ សម្រាកគ្រប់គ្រាន់ ហាត់ប្រាណជាប្រចាំ។ សម្រាប់អ្នកជំងឺខ្លះអាចត្រូវការព្យាបាលដោយថ្នាំរួមបញ្ចូលគ្នា គឺការប្រើថ្នាំហ័រមូនភេទបុរសបន្ថែម មានទាំងប្រភេទញ៉ាំ ប្រភេទចាក់ និងប្រភេទជែលលាបស្បែក ដែលអ្នកជំងឺគួរពិគ្រោះពេទ្យមុនគ្រប់លើកមុនប្រើថ្នាំ ព្រោះអាចមានផលប៉ះពាល់គ្រោះថ្នាក់បើប្រើមិនត្រឹមត្រូវ
បុរសទាំងអស់គួរត្រៀមខ្លួនឲ្យរួចរាល់ជាមួយការផ្លាស់ប្តូរដែលនឹងកើតឡើង ដោយចាប់ផ្តើមថែរក្សាសុខភាពឲ្យរឹងមាំជានិច្ច មានវិន័យក្នុងការរស់នៅល្អ សម្រាកគ្រប់គ្រាន់យ៉ាងហោចណាស់ ៦-៨ ម៉ោង បោះបង់ការជក់បារី និងផឹកស្រា បរិភោគអាហារដែលមានប្រយោជន៍ និងត្រឹមត្រូវ បន្ថយអាហារប្រភេទស្ករ និងខ្លាញ់ឲ្យតិចបំផុត ជៀសវាងសំពាធ ហាត់ប្រាណជាប្រចាំ និងគួរទៅពេទ្យពិនិត្យសុខភាពជាប្រចាំ ដើម្បីអាចព្យាបាលបានឆាប់រហ័សចាប់ពីដំណាក់កាលដំបូងនៃជំងឺ ដូចជាជំងឺសំពាធឈាមខ្ពស់ ជំងឺទឹកនោមផ្អែម ខ្លាញ់ក្នុងឈាមខ្ពស់ ជំងឺបេះដូង ជំងឺក្រពះ ជំងឺបេះដូង និងបំពង់បេះដូងធំ
“វ័យចំណាស់គឺជារឿងធម្មតា ដែលអ្វីៗទាំងអស់នឹងធ្លាក់ចុះតាមអាយុ។ អ្វីដែលជួយឲ្យយើងអាចបត់បែនបានល្អ គឺការថែរក្សាសុខភាពឲ្យរឹងមាំ ហាត់ប្រាណជាប្រចាំ ជៀសវាងការជក់បារី បរិភោគអាហារឲ្យត្រឹមត្រូវ។ យើងមិនអាចឈ្នះវា បានទេ ប៉ុន្តែយើងអាចគ្រប់គ្រងជីវិតឲ្យសមរម្យបាន”
គឺជាពាក្យបញ្ចប់របស់ ឯកទេសវេជ្ជបណ្ឌិត អាយុទ្ធិនី សិងហគូវិន ប្រធានមណ្ឌលជំងឺទឹកនោមផ្អែម និងប្រព័ន្ធហ័រមូន មន្ទីរពេទ្យភយ៉ាថៃ 2
