នៅពេលជិតដល់បុណ្យបរិសុទ្ធ ម្តាយដែលមានផ្ទៃពោះជាច្រើនប្រហែលជាមានសំណួរថា នៅពេលមានផ្ទៃពោះអាចបរិភោគអាហារបរិសុទ្ធបានទេ? ថ្ងៃនេះយើងនឹងមកបំភ្លឺចំលើយថា អាហារបរិសុទ្ធប្រភេទណាខ្លះដែលគួរជៀសវាង ហើយបើចង់បរិភោគបរិសុទ្ធតែប៉ុណ្ណោះ គួរផ្តោតលើអាហារប្រភេទណាដែលមានសារៈសំខាន់ជាពិសេស
នៅរយៈពេលត្រីមាសទីមួយ (អាយុផ្ទៃពោះមុន 14 សប្តាហ៍)
រយៈពេលនេះគឺជារយៈពេលដែលទារកកំពុងបង្កើតអង្គភាព ‘ការបរិភោគអាហារបរិសុទ្ធ’ មិនមានរបាយការណ៍ថាបង្កើតកំហុសនៅលើទារក ប្រសិនបើម្តាយនៅតែទទួលបានសារធាតុចិញ្ចឹម រួមទាំងវីតាមីន និង Folic Acid យ៉ាងគ្រប់គ្រាន់
ប៉ុន្តែនៅរយៈពេលនេះ ម្តាយនឹងបរិភោគបានតិច មនុស្សជាច្រើនមានរោគសញ្ញាមិនស្រួលពោះ ធ្វើឲ្យការទទួលទានអាហារបរិសុទ្ធដែលជាអាហារចៀនឬមានខ្លាញ់ នឹងបង្កើតឲ្យរោគសញ្ញាមិនស្រួលពោះកាន់តែធ្ងន់ធ្ងរ និងធ្វើឲ្យរាងកាយមិនចង់បរិភោគអាហារ រួមទាំងការបរិភោគបន្លែ និងផ្លែឈើខ្លះៗដែលបង្កើតឲ្យមានឧស្ម័នដូចជា បន្លែគ្រួសក្រហម សណ្តែក នឹងបង្កើតឲ្យម្តាយដែលមានបញ្ហាខ្យល់ពោះងាយកើតមានរោគសញ្ញាខ្យល់ពោះកាន់តែងាយស្រួល និងនឹងធ្វើឲ្យរោគសញ្ញាមិនស្រួលពោះកាន់តែធ្ងន់ធ្ងរ
នៅរយៈពេលត្រីមាសទី 2 និង 3 (បន្ទាប់ពី 14 សប្តាហ៍ឡើងទៅ)
រយៈពេលនេះគឺជារយៈពេលដែលទារកក្នុងផ្ទៃពោះមានការលូតលាស់ ហើយជាពិសេសនៅក្នុងស្ថានភាពដែលទារកទទួលបានសារធាតុចិញ្ចឹមមិនគ្រប់គ្រាន់ ទារកនឹងយកប្រូតេអ៊ីនពីម្តាយមុនសារធាតុចិញ្ចឹមប្រភេទផ្សេងៗ។ ជាទូទៅ ស្ត្រីមានផ្ទៃពោះមានតម្រូវការប្រូតេអ៊ីនច្រើនជាងមនុស្សធម្មតា ដោយតម្រូវការប្រូតេអ៊ីនក្នុងមួយថ្ងៃគឺ 1-1.1 g/kg/day រយៈពេលទាំងអស់នៃការមានផ្ទៃពោះ
ដូច្នេះ ប្រសិនបើម្តាយចង់បរិភោគអាហារបរិសុទ្ធ សូមណែនាំឲ្យបរិភោគអាហារប្រភេទប្រូតេអ៊ីនពីរុក្ខជាតិជំនួស ដើម្បីទទួលបានបរិមាណប្រូតេអ៊ីនដែលគួរទទួលបានក្នុងមួយថ្ងៃ ដើម្បីមិនឲ្យមានបញ្ហាទារកធំយឺត ឬមានទម្ងន់តិចនៅក្នុងផ្ទៃពោះ ហើយក្រៅពីនេះ នៅរយៈពេលត្រីមាសទី 2 (ជាពិសេសនៅអាយុផ្ទៃពោះ 24-28 សប្តាហ៍) ដែលស្ត្រីមានផ្ទៃពោះអាចមានសភាពធន់នឹងហ័រមូនអ៊ីនស៊ុលីនកាន់តែច្រើន ធ្វើឲ្យមានការបំលែងអាហារប្រភេទកាបូអ៊ីដ្រាត និងស្ករមិនធម្មតា និងនាំឲ្យមានជំងឺទឹកនោមផ្អែម
ដូច្នេះ គួរជៀសវាងអាហារដែលមានស្ករឬកាបូអ៊ីដ្រាតខ្ពស់ ជាពិសេសសម្រាប់ម្តាយដែលមានហានិភ័យជំងឺទឹកនោមផ្អែម ឬជំងឺទឹកនោមផ្អែមនៅពេលមានផ្ទៃពោះ ឬមានទម្ងន់លើសស្តង់ដាមុនមានផ្ទៃពោះ ឬទម្ងន់កើនលើសកម្រិតក្នុងរយៈពេលមានផ្ទៃពោះ គួរតែបដិសេធអាហារប្រភេទដែលបានរៀបរាប់ខាងលើ
តារាងបង្ហាញបរិមាណប្រូតេអ៊ីនពីធញ្ញជាតិ
សរុបមក អាហារបរិសុទ្ធដែលគួរជៀសវាងសម្រាប់ស្ត្រីមានផ្ទៃពោះ គឺអាហារប្រភេទចៀនខ្លាញ់ និងអាហារដែលមានកាបូអ៊ីដ្រាត និងស្ករខ្ពស់។ លើសពីនេះ ស្ត្រីមានផ្ទៃពោះគួរតែទទួលបានសារធាតុចិញ្ចឹម និងវីតាមីនយ៉ាងគ្រប់គ្រាន់ ជាពិសេស ‘ប្រូតេអ៊ីន’ ដែលជាឧបករណ៍សំខាន់សម្រាប់ការលូតលាស់របស់ទារកក្នុងផ្ទៃពោះ
វេជ្ជបណ្ឌិតស្រី លិនឡីដា វិចក្ខ័អូរុណ
វេជ្ជបណ្ឌិតជំនាញស្ត្រីនិងផ្ទៃពោះ
នៅមជ្ឈមណ្ឌលសុខភាពស្ត្រី
