អត្ថប្រយោជន៍នៃកាហ្វេគឺធ្វើឱ្យយើងមានភាពស្រស់ស្រាយ មានថាមពលខ្លាំង រាងកាយបញ្ចេញឈាមបានល្អ ជំរុញការបំភាយថាមពលឱ្យប្រសើរឡើង ហើយក៏បន្ថយការចង់ញ៉ាំអាហារបានផងដែរ ប៉ុន្តែបរិមាណកាហ្វេអ៊ីនដែលមិនបង្កការខូចខាតដល់បេះដូងគឺមិនលើស ៣០០ មីលីក្រាមក្នុងមួយថ្ងៃ។ ជាទូទៅ កាហ្វេមួយកែវ មានបរិមាណកាហ្វេអ៊ីនប្រហែល ១០០ មីលីក្រាម
វិធីផឹកកាហ្វេឱ្យមិនធ្វើឱ្យទម្ងន់ឡើង
មិនគួរបន្ថែមស្ករលើស ៦ ស្លាបព្រាបាយក្នុងមួយកែវក្នុងមួយថ្ងៃ។ សំខាន់គឺមិនគួរជ្រើសរើសកាហ្វេទ្រង់ ៣ in 1 ព្រោះមានគ្រីម និងស្ករលាយរួចហើយ ហើយបើបញ្ចូលទឹកកាហ្វេខ្មៅផឹកនឹងល្អបំផុត
ការព្រមាន
- កុមារមិនគួរផឹកកាហ្វេ ព្រោះមានផលប៉ះពាល់ដល់បេះដូង សាច់ឆ្អឹង និងខួរក្បាល
- ម្តាយមានផ្ទៃពោះដែលបានធ្លាប់ផឹកកាហ្វេអាចផឹកបាន ប៉ុន្តែមិនលើស ១-២ កែវក្នុងមួយថ្ងៃ ហើយគួរបន្ថែមកាហ្វេ ១ ស្លាបព្រាបាយតែប៉ុណ្ណោះ។ ទោះជាយ៉ាងណាក៏ដោយ កាហ្វេអ៊ីននឹងរាំងស្ទះការស្រូបយកកាល់ស្យូម និងដែក ដែលជាធាតុរ៉ែសំខាន់សម្រាប់កុមារនៅក្នុងផ្ទៃពោះ
- កាហ្វេមានផូស្វាតខ្ពស់ មិនសមសម្រាប់អ្នកជំងឺថ្លើម និងអ្នកជំងឺបេះដូង មិនគួរផឹកលើស ៣ កែវក្នុងមួយថ្ងៃ
បើចង់ផឹកកាហ្វេ គួរផឹកកាហ្វេនៅពេលព្រឹកដើម្បីជៀសវាងការគេងមិនលក់នៅពេលយប់ ហើយអ្នកណាដែលទទួលទានថ្នាំកាល់ស្យូមគួរទទួលទានថ្នាំកាល់ស្យូមមុន ២ ម៉ោង ព្រោះកាហ្វេមានកាហ្វេអ៊ីននឹងរាំងស្ទះការស្រូបយកកាល់ស្យូម ប៉ុន្តែបើបានផឹកកាហ្វេរួចហើយ គួរទទួលទានថ្នាំកាល់ស្យូមបន្ទាប់ពី ៤-៦ ម៉ោង ឬពេលយើងកំដៅដោះគោហើយបន្ថែមគ្រាប់កាហ្វេចូល កាហ្វេនឹងរាំងស្ទះការស្រូបយកកាល់ស្យូមក្នុងដោះគោរហូតដល់ ៥០%
